Пуцін захапіў Дэбальцава

Сэпаратысты з падтрымкай расейскай арміі насуперак менскім пагадненьням аб спыненьні агню, падпісаным 12 лютага ў Менску, занялі стратэгічны горад на Данбасе. Захад абураецца, але, акрамя слоў, на нішто больш не адважыўся.

-Эўрасупольнасьць прыме адпаведныя крокі, калі ваенныя дзеяньні будуць працягвацца, - такім чынам кіраўнічка эўрапейскай дыпляматыі Фэдэрыка Магерыні дала зразумець, што ня час на чарговыя дэбаты пра ўзмацненьне санкцыяў. – Пагадненьне зь Менска не памерла. Справядліва трэба прызнаць, што ёсьць розьніца паміж тым, што было да перамоваў і цяпер, - падкрэсьліваў прэс-сакратар францускага ўраду. І фактычна, ваенныя дзеяньні, акрамя Дэбальцава, паўсюль спыніліся.

ЭЗ і ЗША пабойваюцца ўзмацненьня канфрантацыі з Масквой, таму што новыя санкцыі абышліся б надта дорага й заадно сталі б вялікай праверкай адзінства Эўропы наконт палітыкі адносна Расеі. Ніхто, у тым ліку Вашынгтон, ня рвецца ўкраінцам пастаўляць зброю.

Пуцін яшчэ ў Менску сварыўся з Парашэнкам з-за Дэбальцава. І хаця адарваць горад яму не ўдалося, то ў Менску расейскі прэзыдэнт і сэпаратысты давалі зразумець, што пагадненьне не адносіцца да Дэбальцава.

яс/Gazeta Wyborcza