Часопіс, прысьвечаны беларускай тэматыцы

У Лёндане выйшаў ужо другі нумар адноўленага летась пасьля 25-ці гадоў перапынку "Часопіса беларускіх дасьледаваньняў" (Journal of the Belarusian Studies).
Нумар адкрывае артыкул Дароты Міхалюк з унівэрсытэта Мікалая Капэрніка ў Торуні ды Пэра Андэрса Рудлінга з Лундзкага ўнівэрсытэта пра разьвіцьцё ідэі беларускай дзяржаўнасьці падчас нямецкай акупацыі беларускіх земляў у гады Першай сусьветнай вайны. У нумары Сяргей Богдан са Свабоднага ўнівэрсытэта Бэрліна аналізуе таксама беларуска-іранскія дачыненьні, а Настасься Матчанка разглядае ролю праўладных недзяржаўных арганізацый у Беларусі.

Рэдактар часопіса ды заадно дырэктар Цэнтра Астрагорскага ў Лёндане Яраслаў Крывой лічыць, што выданьне ў 50-60-я гады ХХ стагодзьдзя мела вельмі вялікае значэньне на Захадзе, і цяпер гэтае значэньне трэба аднавіць.

слухайце інтэрвію Яраслава Іванюка з Я. Крывым у далучаным гукавым файле

На фота: Яраслаў Крывой (зьлева) з прафэсарам Макотам Гаясака (Makoto Hayasaka, Tokyo Institute of Technology) у кулюарах Кангрэса дасьледчыкаў Беларусі, Коўна 2013