Хто забівае на дарозе?

У Польшчы гэта цьвярозы мужчына сярэдняга ўзросту.

Сьмяротныя выпадкі на дарогах у Польшчы найчасьцей правакуюць мужчыны. Пры гэтым, гэтыя асобы не знаходзяцца ў нецьвярозым стане. Такі вынік атрымоўваецца, калі прааналізаваць дадзеныя паліцыі.

З гэтых дадзеных вынікае, што прычынай дарожных аварый найчасьцей становяцца мужчыны ва ўзросьце ад 25 да 35 гадоў. Напрыклад, у 2013-м годзе жанчыны справакавалі толькі 18 сьмяротных выпадкаў, у якіх загінула 19 чалавек. Затое мужчыны вінаватыя ў 189 аварыях, у якіх загінула 205 чалавек, а 125 былі параненыя.

Больш за тое, з падлікаў газэты вынікае, што вінаватыя памыляюцца на дарозе не з-за алькаголю. У гэтым годзе нецьвярозыя кіроўцы правакавалі толькі кожны 18 выпадак з усіх, што мелі месца ў бягучым годзе. Увогуле ў Польшчы паліцыя пачала больш інтэнсіўна кантраляваць кіроўцаў на ўтрыманьне алькаголю ў крыві. Было праведзена больш за 9 мільёнаў праверак. Колькасьць нецьвярозых кіроўцаў істотна скарацілася. Асноўнай прычынай аварый стала захуткая язда, неадпаведная да ўмоваў руху й дарогі.

юл