Беларуская мова: сытуацыя аптымістычна-пэсымістычная

На днях мы паведамлялі пра тое, што прызёрка чэмпіянатаў сьвету й Эўропы ў бар'ерным спрынце Аліна Талай распавяла пра сваё стаўленьне да сьцяга й беларускай мовы. Яна, у прыватнасьці, заявіла: "Вядома, я вырасла пад чырвона-зялёным сьцягам, і мне падабаецца, калі ён уздымаецца ў мой гонар. Але ўсё ж такі давайце ня будзем падманваць адзін аднаго: наш колер — бел-чырвона-белы". Талай кажа, што яе атачэньне складаюць людзі, якія мараць пра сапраўднае нацыянальнае адраджэньне Беларусі.

Хаця само інтэрвію спартоўка давала па-расейску, то аднак выказалася ў патрымку беларускай мовы. "Апошні раз размаўляла па-беларуску ў школе, цяпер у мяне такой практыкі няма. Але, не скрываю, хацелася б яе мець. Гэта ўсё ж такі родная мова", — кажа дзяўчына.

Дарэчы, раней пра свае сымпатыі да бел-чырвона-белага сьцяга выказалася плаўчыха Аляксандра Герасіменя.

Мы патэлефанавалі мовазнаўцу Зьмітру Саўку, каб запытацца, як, паводле яго, беларуская моладзь ставіцца да роднай мовы. Адрасат нашага званка – невыпадковы чалавек, бо спадар Зьміцер прынцыпова й заўсёды размаўляе на беларускай мове. Паводле яго, сытуацыя невясёлая, хоць ёсьць пэўныя аптымістычныя моманты. У якасьці прыкладу ён прывёў надаўняе наведваньне менскай паліклінікі, і, што прыемнае й дзіўнае, малады лекар гадоў 25-і зь ім размаўляў па-беларуску. Са Зьмітром Саўкам размаўляў Валеры Саўко.

матэрыял у далучаным гукавым файле