Гальфстрым адсунуўся на поўнач

Незвычайную зьяву першымі заўважылі амэрыканскія й канадзкія рыбакі, пазьней ёй заняліся навукоўцы.

Гальфстрым нясе агромныя масы цёплай вады з Флярыды ўздоўж усходняга ўзьбярэжжа Паўночнай Амэрыкі і пакідае па дарозе цеплыню. Потым паварочвае на ўсход і кіруецца ўглыб Атлянтычнага акіяну непадалёк Грэнляндыі — гэта паўночна-атлянтычная плынь.

Спадарожнікавыя здымкі паказалі, што ў кастрычніку 2011 г. галоўны струмень цёплай вады адсунуўся прыкладна на 200 км на поўнач. Гэтая зьява назіралася напрацягу некалькіх тыдняў, бо ў сьнежні Гальфстрым вярнуўся ў сваю звычайную плынь.

Навукоўцы збудавалі кампутарную мадэль паводзінаў радовішчаў гідрату мэтану і прыйшлі да наступнага выніку: калі б тэмпэратура Атлянтыкі за апошнія пяць тысячагодзьдзяў была такой жа высокай, як з кастрычніка па сьнежань 2011 г., то гэтыя радовішчы не ўтварыліся б.

Мадэль паказвае таксама, што павышаная тэмпэратура Гальфстрыму ў паўночных водах, да якіх ён раней не даходзіў, прывядзе да дэстабілізацыі радовішчаў, пачнуцца выкіды мэтану ў атмасфэру, а гэта ўзмоцніць парніковы эфэкт на плянэце.
эб