Самаспаленьне ў знак пратэсту

Fot. Damian Dovarganes AP/Gazeta Wyborcza

У Дэлі 27-гадовы тыбэцец спаліў сябе, пратэстуючы супраць візыту прэзыдэнта Кітаю Ху Дзіньтаа ў Індыю. Самаспаленьне зьдзейсьніў Джампэл Ешы, які ўцёк з Тыбэту ў 2006 годзе. Адбылося гэта падчас мітынгу пратэсту супраць візыту кітайскага кіраўніка. Ху Дзіньтаа намераны прыехаць Уу Дэлі, каб ўдзельнічаць у саміце краінаў групы BRICS.

Арганізатары мітынгу не спадзяваліся такога драматычнага разьвіцьця падзеяў. “Відавочна, Джампэл Ешы лічыў самаспаленьне адзіным шляхам, каб прыцягнуць увагу сьвету да пакутаў тыбэтцаў”, - кажуць яны. Мітынгоўцы выступаюць супраць росту кітайскай ваеннай прысутнасьці ў Тыбэце, прымусовай асыміляцыі, а таксама рэлігійнаму перасьледу буддыйскіх манахаў.

У Індыі, Тыбэце і Нэпале ў знак пратэсту супраць паітыкі Кітаю спалілі сябе ўжо 30 чалавек.

IAR/ап