МКС - новая каманда астранаўтаў

Учора новая каманда касманаўтаў апынулася на борце Міжнароднай касьмічнай станцыі.

Чальцы «Экспэдыцыі 30» дасягнулі мэты пасьля ўдалага старту з касмадрома Байканур у Казахстане ды двух дзён палёту.

У склад новай каманды увайшоў, між іншым, амэрыканскі астранаўт Дэн Брубанк ды два расейцы - Антон Шкаплераў і Анатолій Іванішын.

Цягам бліжэйшых некалькіх дзён новая каманда будзе пераймаць камандаваньне Міжнароднай касьмічнай станцыяй.

Нагадаем, яшчэ ў гэтым месяцы трое прысутных на станцыі касманаўтаў вярнуцца на Зямлю. У сьнежні на іхнае месца паляцяць новыя людзі.

Цягам некалькіх месяцаў на арбіце астранаўты будуць праводзіць навуковыя дасьледаваньні, у прыватнасьці, шукаць касьмічную антыматэрыю. Яны таксама выйдуць на арбітальны шпацыр.

Каманда вернецца на Зямлю ў палове сакавіка будучага году.

аз