Расея хоча кантраляваць неба над Чорным морам

Крыніцы ў Мінабароны Расеі паведамілі, што прынятае канчатковае рашэньне пра накіраваньне Су-35 у Крым. Гэтыя машыны атрымае адзін з паветраных палкоў, разьмешчаны на паўвостраве.

Паводле слоў ваеннага экспэрта Дзьмітрыя Балценкова, верагодна, новыя самалёты атрымае 38-ы полк зьнішчальнікаў, разьмешчаны ў Севастопалі ў аэрапорце «Белбек».

Крым мае асаблівае стратэгічнае значэньне, таму што дазваляе кантраляваць увесь Чарнаморскі басэйн, да якога праяўляюць павышаную цікавасьць краіны НАТО, заяўляюць у Маскве.

Су-35 лічыцца самалётам пакаленьня 4-++ і адным з найлепшых расейскіх зьнішчальнікаў. Ён здольны зьнішчаць самалёты пятага пакаленьня і эфэктыўна паражаць да 30 наземных і водных цэляў на адлегласьці да 400 км..

Узброеныя сілы Расеі маюць больш за 70 машын Су-35.

ПР/юл