Славакі выбіраюць прэзыдэнта

У суботу, 16 сакавіка, у Славакіі праходзяць выбары прэзыдэнта. Грамадзянам прапануецца выбраць кіраўніка дзяржавы з 13 кандыдатаў.

Першыя вынікі выбараў будуць агучаныя пасьля іх заканчэньня, а канчатковыя вынікі галасаваньня апублікуюць 17 сакавіка, у панядзелак.

Мясцовыя СМІ вылучаюць трох кандыдатаў, якія займалі вядучыя месцы ў апытаньнях грамадзкай думкі. Сярод іх – намесьнік кіраўніка Эўракамісіі 52-гадовы Мараш Шэўчовіч, экс-кіраўнік Вярхоўнага суду 61-гадовы Штэфан Гарабін і адвакат, 45-гадовая Зузана Чапутова.

Кандыдат, які атрымае 50% плюс адзін голас ад агульнага ліку выбаршчыкаў у краіне, стане пераможцам. Цяперашні кіраўнік Славакіі Андрэй Кіска сваю кандыдатуру на выбары ня выставіў.

вс