Нованароджаная дзяўчынка мае шанец трапіць у Кнігу рэкордаў Гінэса

Дзяўчынка, якая ў студзені нарадзілася на Сыцыліі, мае шанец трапіць у Кнігу рэкордаў Гінэса дзякуючы сваёй вялікай сям'і. Яе прапрабабулі 78 гадоў. Дзяўчынка зьяўляецца пятым пакаленьнем і мае адзінаццаць продкаў: бабулі і дзядулі, прадзедаў і прапрабабулю.

Усе пакаленьні вялікай сямʼі займаюцца продажам рыбы й жывуць у горадзе Тэрміні Імэрэсэ блізу Палермы – паведамілі італьянскія СМІ.

Генэалёгію сям’і вывучылі мясцовыя ўлады. Яны перакананыя, што гэтая сямʼя пабіла ўсе рэкорды, і што, магчыма, няма нідзе іншай падобнай.

Дзяўчынка Клё Елья (Chloe Elia) нарадзілася 11 студзеня. Яе бацькам 23 і 24 гады, бабулям й дзядулям: ад 41 да 47 гадоў. Акрамя таго, пяць прадзедаў і прапрабабуля з боку бацькі. Прапрабабуля найстарэйшая ў сямʼі, але ёй усяго 78 гадоў.

Мэр Тэрміні Імэрэсэ Франчэска Джунта зладзіў у гарадзкой управе мерапрыемства ў гонар гэтай сям’і.

яс