У ЗША прадставілі магчымасьці беларускага турызму

Беларускі турызм прэзэнтавалі ў ЗША на міжнароднай турыстычнай выставе The New York Times Travel Show 2019, паведамілі БЕЛТА ў Нацыянальным агенцтве па турызьме. На нацыянальным стэндзе краіны была прадстаўленая падрабязная інфармацыя аб турыстычным патэнцыяле Беларусі, багацьці і разнастайнасьці прыродных рэсурсаў, гісторыка-культурнай спадчыне.

Таксама суб'екты туріндустрыі распавялі пра магчымасьці санаторна-курортнага лячэньня ў Беларусі, разьвіцьці дзелавога, мэдыцынскага, спартовага і іншых відаў турызму, арганізацыі індывідуальных і групавых тураў. New York Times Travel Show – адзін з найбуйнейшых турыстычных кірмашоў Паўночнай Амэрыкі. У гэтым годзе ў ім прынялі ўдзел больш за 600 экспанэнтаў.

БЕЛТА/нг