Усё больш нямецкіх пэнсіянэраў жывуць за межамі краіны

Зь 2000 года колькасьць немцаў, якія пераводзяць свае пэнсіі за мяжу вырасла да 1,5 млн чалавек, паведамляе Saarbrücker Zeitung. Часьцей за ўсё грашовыя пераводы накіроўваюцца ў Швэйцарыю, ЗША ды Аўстрыю.

Нямецкія пэнсіянэры ўсё часьцей жывуць за межамі Нямеччыны. Так вынікае з дадзеных Нямецкага фонду пэнсіённага страхаваньня (DRV). З 2000 года колькасьць немцаў, якія пераводзяць свае пэнсіі за мяжу вырасла з 1,1 да 1,5 млн чалавек.

У 2017 годзе, у параўнаньні з папярэднім годам, колькасьць пэнсій, пералічаных за межы ФРГ, не зьмянілася. Такіх пераводаў было зарэгістравана 1,5 млн, адзначае выданьне.

Акрамя пэнсіі па старасьці, статыстыка ўлічвае пэнсійныя выплаты па інваліднасьці, а таксама пэнсіі ўдовам. Пры гэтым многія пажылыя немцы маюць права на атрыманьне розных тыпаў пэнсій.

У значныя ступені пэнсійныя выплаты за мяжу можна патлумачыць наяўнасьцю ў гастарбайтэраў, якія па дасягненьні пэнсійнага ўзросту вяртаюцца на радзіму. У прыватнасьці гэта тычыцца працоўных мігрантаў зь Італіі, Гішпаніі, Грэцыі, Турэччыны ды былой Югаславіі.

паводле dw.com/эж