У Нямеччыне страйкуюць пілёты й бартавы пэрсанал авіякампаніі Ryanair

У Нямеччыне адбываецца страйк пілётаў і бартавога пэрсаналу авіякампаніі Ryanair. З-за забастоўкі былі адмененыя 150 з 400 плянаваных рэйсаў. У адпаведнасьці з аб'явай, забастоўка будзе доўжыцца суткі.

Прафсаюз Verdi і Асацыяцыя пілётаў Cockpit патрабуюць павышэньня заработнай платы й паляпшэньня ўмоў працы.

Кіраўніцтва ірляндзкіх авіялініяў заяўляе, што прапанавала ўжо пілётам павышэньне зарплаты й зьмену кантрактаў, таму лічыць страйк неапраўданым.
Кіраўніцтва авіякампаніі Ryanair таксама прыгразіла ўдзельнікам страйку звальненьнямі.

Першы страйк нямецкія супрацоўнікі ірляндзкай авіякампаніі Ryanair арганізавалі ў сярэдзіне жніўня.

аз