У Крыме спынілі выдачу карт Visa і MasterCard

Генбанк, які базуецца ў анэксаваным Расеяй Крыме, спыніў абслугоўваньне і выпуск карт Visa і MasterCard. Гэта быў апошні банк на паўвостраве, які выпускаў карты міжнародных плацежных сыстэм.

Некаторым кліентам банка прапанавалі замяніць іх на карты расейскай плацежнай сыстэмы «Мир». “Генбанк” перайшоў на карты “Мир” са студзеня.

Рашэньне спыніць працу з Visa і MasterCard прынята ў сувязі з уведзенымі ў 2014 годзе санкцыямі да расейскіх банкаў у адказ на анэксію Крыма і падтрымку сэпаратыстаў на ўсходзе Ўкраіны.

Крымскія банкі дагэтуль выдавалі карты міжнародных сыстэм дзякуючы іх запасу, які быў выпушчаны да санкцый.

Дарэчы, у пачатку жніўня з Крыма сышла апошняя заходняя гатэльная сетка.

Генбанк уваходзіць у групу банку «Россия», у сваеце дырэктараў якога старшынюе Юрый Кавальчук. Ён уключаны ў санкцыйны сьпіс ЗША як бізнэсмэн з «блізкага кола Пуціна».

Bbc.com/вк