Самым высокааплатным акторам у сьвеце стаў Джордж Клуні

Летась Клуні зарабіў больш, чым любы іншы актор у сьвеце. Фінансавае становішча Джорджа Клуні істотна палепшылася пасьля таго, як ён прадаў сваю кампанію па вытворчасьці тэкілы.

Часопіс Forbes падлічыў, што ў пэрыяд з чэрвеня 2017 па чэрвень 2018 году Клуні зарабіў 239 мільёнаў даляраў, без уліку падаткаў. У выніку ён апынуўся на другім месцы сярод самых багатых знакамітасьцяў, саступіўшы першынства баксёру Флёйду Мэйуэйзэру, прыбытак якога склаў $ 285 млн. На трэцім месцы ў сьпісе апынулася мадэль Кайлі Джэнэр.

У першую дзясятку сьпісу Forbes таксама трапілі футбалісты Ліянэль Мэсі й Крыштыяну Раналду, а таксама музыка Эд Шыран.

Укладальнікі рэйтынгу часопісу Forbes зьвярнулі ўвагу на тое, што 100 зорак, якія ўвайшлі ў сёлетні сьпіс, за год зарабілі агулам на 22% больш чым летась.

паводле bbc.com/эж