У Расеі праходзяць пратэсты супраць павышэньня пэнсійнага ўзросту

Лідар расейскай апазыцыі Аляксей Навальны заклікаў сваіх прыхільнікаў ладзіць пратэсты супраць павышэньня пэнсійнага ўзросту. Дэманстрацыі адбываюцца ў некалькіх дзясятках гарадоў Расеі, за выключэньнем тых, дзе праходзяць матчы ў рамках Чэмпіянату сьвету па футболе.

Пратэсты супраць пэнсійнай рэформы працягваюцца ў Расеі з траўня, калі прэм’ер-міністар Дзьмітры Мядведзеў паведаміў, што яго кабінэт рыхтуе закон аб павышэньні пэнсійнага ўзросту.

У многіх гарадах улады ня выдалі дазволу на правядзеньне дэманстрацый. На падобныя праблемы натыкаюцца супрацоўнікі Навальнага. Лідар апазыцыі распавёў, што актывісты, якія ладзяць пратэсты, выклікаюцца на допыты або іх затрымліваюць па надуманых прычынах. Сярод гарадоў, дзе няма дэманстрацый, знаходзіцца таксама Масква. Сёньня ў сталіцы зборная Расеі гуляе ў 1/8 фіналу мундыялю з камандай Гішпаніі.

ПР/нг