Жанчыны ў Саудаўскай Арабіі могуць ужо вадзіць машыну

У Саудаўскай Арабіі з сёньняшняга дня жанчыны могуць вадзіць машыны. Да гэтае пары ў дзяржаве, якая жыве паводле законаў шарыяту, правы кіроўцы маглі атрымліваць толькі мужчыны. Цяпер саудаўкі сьвяткуюць сваё новае права, да іх далучыліся арганізатары гонак Гранд Пры Францыя, за стырном аднаго з гоначных аўтамабіляў сядзе Асэль Аль-Гамад, якая прыме ўдзел у парадзе перад сёньняшняй гонкай.

Саудаўскай Арабія была апошняй краінай на сьвеце, дзе жанчыны ня мелі права вадзіць машыну. Рашэньне пра адмену забароны было прынятае ў кастрычніку мінулага году ў рамках рэформаў, якія ладзіць спадчыньнік прастола прынц Мухамад ібн Салман.

ІАР ПР/нг