У Індыі распачаўся самы вялікі ў гісторыі недахоп пітной вады

Згодна з апублікаванай справаздачай індыйскага ўрада, праз адсутнасьць доступу да пітной вады церпяць каля 600 мільёнаў чалавек, гэта амаль палову насельніцтва Індыі. Ўрадавы дакумэнт быў створаны на падставе дадзеных сабраных у 24 з 29 індыйскіх штатаў. На думку аўтараў, у бліжэйшыя гады сытуацыя будзе толькі пагаршацца.

Недахоп вады таксама сурʼёзна пагражае харчовай бясьпецы краіны. Вялікія й малыя індыйскія гарады рэгулярна спазнаюць дэфіцыт вады, асабліва ўлетку. Праблемы з забесьпячэньнем вадою не маюць выключна прыродны характар, часта бракуе неабходнай інфраструктуру.

Ва ўрадавым дакумэнце прагназуецца, што недахоп пітной вады будзе адчувальны на працягу некалькіх бліжэйшых гадоў у 21 буйным горадзе Індыі.

эж