Польшча й Ізраіль працуюць над паляпшэньнем адносін

Польскі віцэ-прэм'ер і міністар навукі размаўляў з прэм'ерам Ізраіля. Яраслаў Говін (Jarosław Gowin) сустрэўся зь Біньямінам Нэтаньяху пры нагодзе міжнароднай канфэрэнцыі ў Ерусаліме.

Польскі палітык сказаў, што прэм'ер Нэтаньяху быў яго адзіным суразмоўцам, які не закрануў пытаньня аб унясеньні зьменаў у Закон аб Інстытуце нацыянальнай памяці, а размова датычыла эканамічнага супрацоўніцтва паміж Польшчай і Ізраілем.

Закраналася таксама пытаньне навуковага супрацоўніцтва паміж абедзьвюма краінамі.

„Гэтыя дзьве сфэры ў Ізраілі неаддзельныя. Ізраільская эканоміка грунтуецца на сучасных тэхналёгіях, у дадзены момант Ізраіль прасоўвае канцэпцыю нацыі стартапаў. Я думаю, што ў гэтым аспэкце мы можам шмат чаму навучыцца ў нашых ізраільскіх сяброў”, - дадаў віцэ-прэм'ер.

Падчас трохдзённага візыту ў Ізраіль Яраслаў Говін размаўляў з прадстаўнікамі ізраільскага асяродзьдзя навукі. Палітык прыняў удзел у міжнароднай канфэрэнцыі „Thinking out of the box”.

аз