Ізраільскія жаўнеры адкрылі агонь да ўдзельнікаў пратэсту

Загінулі чатыры палестынцы, а 96 параненыя падчас пятнічнай дэманстрацыі каля мяжы Зоны Газы з Ізраілем, дзе ізраільскія жаўнеры адчынілі агонь. Войска таксама прымяніла гумовыя кулі і сьлезацечны газ. У шпіталі трапіла 174 асобы, а 271 дэманстрант атрымаў мэдычную дапамогу ў палявых мэдпунктах.

У дэманстрацыі, арганізаванай чацьвёрты раз запар на мяжы з Ізраілем, удзел прынялі 3 тысячы чалавек. На пешым пратэсьце прысутных было каля 30 тысяч чалавек. З кожным разам колькасьць удзельнікаў зьмяншаецца. Падчас штотыднёвых пратэстаў, якія распачаліся месяц таму, агулам загінулі 32 палестынцы.

Палітычны лідар палестынскага Хамасу Ісмаіл Ханія заклікаў працягваць дэманстрацыі ў Зоне Газы. «Падрыхтуйцеся да масавых дэманстрацый, якія ў дзень «Накбы» (15 траўня) дойдуць да межаў з вонку і з сярэдзіны акупаванай тэрыторыі», – заклікаў Ханія.

ав