Эўрапейскі парлямэнт даў зялёнае сьвятло папраўкам у дырэктыву па газе

Эўрапейскі парлямэнт не аспрэчыў прапановаў паправак у дырэктыву па газе, якая павінна перашкодзіць будаўніцтву газаправода Nord Stream 2.

У папраўках прапануецца, каб усе трубаправоды, у тым ліку пракладзеныя па дне мора, былі ахоплены заканадаўствам ЭЗ. Адсутнасьць выразных палажэньняў па гэтым пытаньні дазволіла прыхільнікам Nord Stream 2 праводзіць падрыхтоўку да гэтай інвэстыцыі.

Даклад, які падрыхтаваў старшыня Камітэта па прамысловасьці, навуковых дасьледаваньняў і энэргетыкі Ежы Бузэк, зьмяшчае прапановы, каб заканадаўства ЭЗ распаўсюджвалася на інвэстыцыі, якія аказваюць уплыў на бясьпеку паставак газу ў ЭЗ. Паводле паправак, на інвэстараў могуць накладацца эканамічныя санкцыі.

Аўтары дакладу прызнаюць, што падрыхтоўка да паправак не была лёгкай. Падчас працы камітэта група прыхільнікаў Nord Stream 2 спрабавала сарваць галасаваньне па прапановах дакладу.

Цяпер Ежы Бузэк будзе праводзіць перамовы з дзяржавамі-чальцамі ЭЗ па ўвядзеньні паправак у дырэктыву па газе. Аднак цалкам магчыма, што некаторыя краіны, у тым ліку Аўстрыя, Бэльгія, Нідэрлянды й Нямеччына будуць спрабаваць зацягваць гэтую працу.

яс