Д. Трамп: Рашэньне па Сырыі будзе прынятае хутка

Прэзыдэнт ЗША Дональд Трамп сказаў, што рашэньне ў справе баявых дзеяньняў у Сырыі будзе прынятае «дастаткова хутка». На сустрэчы з журналістамі ён падкрэсьліў, што ён сам і яго каманда ўважліва сочаць за сытуацыяй у Сырыі, дзе адбылася хімічная атака на горад Дума.

У справе Сырыі выказаўся таксама міністар абароны ЗША Джэймс Мэціс. Выступаючы перад Палатай прадстаўнікоў ён адмовіўся распавесьці пра вайсковыя пляны ў дачыненьні да Сырыі. Мэціс толькі патлумачыў, што адной з галоўных засьцярог да мілітарнай апэрацыі зьяўляецца рызыка выбуху канфлікту, бакамі ў якім зьяўляюцца Расея, Іран, Турцыі і іншыя краіны.

Міністар абароны паінфармаваў кангрэсмэнаў, што ЗША хочуць, каб у Сырыі як мага хутчэй пачалі працаваць інспэктары, якія будуць высьвятляць, ці на самой справе адбылася хімічная атака.

ав