Будапэшт дамагаецца кампэнсацыі за ахову межаў ЭЗ

З такой заявай выступіў у пятніцу прэмʼер-міністар Віктар Орбан.

"Мы выдаткавалі больш за мільярд эўра, каб абараніць межы. Мы баронім ня толькі сябе, але ўсю Эўропу. Няхай нам вернуць прынамсі палову", – сказаў вугорскі прэмʼер у сваім звароце.

Ён таксама паведаміў, што выступіў з прапановай, якую ён назваў «працэдурай чырвонай карткі». Ідзецца пра "ўзмацненьне ролі нацыянальных парлямэнтаў", каб яны мелі права спыняць бясконцыя спрэчкі ў ЭЗ, калі, паводле іх, яны парушаюць нацыянальныя інтарэсы краіны.

Паводле словаў Орбана, найважнейшай тэмай саміту ў Брусэлі стала «унутраная трансфармацыя ЭЗ». Ён дадаў, што прагучалі «абсурдныя прапановы, каб месцы ў Эўрапейскім парлямэнце разьмяркоўваліся ня толькі паводле колькасьці грамадзян, але яшчэ й мігрантаў.

Вугорскі прэмʼер назваў гэта непрымальным, паколькі ЭЗ належыць грамадзянам Эўропы.

ПР/юл