Гішпанія выдаляе карэйскіх дыпляматаў

Гішпанскі МЗС запатрабаваў ад Паўночнай Карэі скараціць колькасьць сваіх дыпляматаў, што працуюць у краіне. Мадрыд прыняў рашэньне ў знак пратэсту супраць чарговых выпрабаваньняў балістычных ракет, праведзеных Пхеньянам.

«Ядзерная праграма Паўночнай Карэі ўяўляе сабой сурʼёзную пагрозу для міру ў рэгіёне і ва ўсім сьвеце», – гаворыцца ў заяве Міністэрства замежных спраў Гішпаніі.

Гішпанскі бок папярэдзіў Паўночную Карэю, што працяг ядзернай праграмы «пагражае наступствамі для адносін паміж дзьвюма краінамі.»

Не паведамляецца, колькі паўночнакарэйскіх дыпляматаў павінны пакінуць Мадрыд.

ПР/юл