У Данецку прапаў журналіст, які пісаў для ўкраінскіх СМІ

У Данецку прапаў бязь вестак журналіст і пісьменьнік Станіслаў Васін. Верагодна, ён быў схоплены баявікамі. Пра гэта на сваім сайце ў Фэйсбуку паведаміў былы ўкраінскі дэпутат Ягор Фірсаў. Ён адзначае, што акаўнт Васіна ў Фэйсбуку застаецца актыўным, але інфармацыю на ім разьмяшчае хутчэй за ўсё хтосьці іншы, паколькі тэлефон не адказвае.

«Сваякі ня могуць яго знайсьці, няма сувязі. У кватэры Стаса сьляды ўзлому і ператрусу», - гаворыцца ў паведамленьні. Фірсаў таксама адзначае, што апошні час Васін знаходзіўся на непадкантрольнай тэрыторыі, паколькі хацеў пісаць, што там адбываецца.

Летась пры выкананьні службовых абавязкаў у сьвеце загінулі 93 журналісты.

Грамадзкае радыё/нг