У Мадрыдзе затрымалі двух джыхадыстаў

Гішпанская паліцыя арыштавала ў Мадрыдзе двух мужчын, падазраваных у прыналежнасьці да Іслямскай дзяржавы. Міністэрства ўнутраных спраў паінфармавала, што абодва затрыманыя спэцыялізаваліся ў гэтак званым электронным джыхадзе. Яны вэрбавалі прыхільнікаў у сеціве і вялі ідэалягічную працу на карысьць тэрарыстаў.

Арыштаваныя, марокскага паходжаньня, маюць 43 і 22 гады.

МУС інфармуе, што маладыя ісламісты нідзе не працавалі, а цэлымі гадзінамі займаліся больш за сто старонкамі, на якіх ІД разьмяшчае прапагандысцкія матэрыялы. Іх таксама цікавілі старонкі з інструкцыямі па стварэньні выбуховак, дэтанаваных на адлегласьць.

Паліцыя інфармуе, што мужчыны праходзілі працэс радыкалізацыі, падчас якога мелі стаць тэрарыстамі, якія зьдзяйсьняюць самазабойчыя атакі ў Эўропе.

Паліцыя працягвае сваю апэрацыю. З чэрвеня 2015 году, калі ў Гішпаніі быў уведзены чацьвёрты, перадапошні ўзровень тэрарыстычнай пагрозы, паліцыя арыштавала 164 джыхадыста.

ав