Макрон ці Лё Пэн?

У Францыі праходзіць другі тур прэзыдэнцкіх выбараў. У іх выніку Франсуа Алянда ў Элісейскім палацы заменіць або лідар цэнтрысцкага руху „Наперад!” былы міністар эканомікі Эманюэль Макрон, або кандыдатка ад Нацыянальнага фронту Марын Лё Пэн.

Апошнія апытаньні паказвалі, што за Макрона плянуе галасаваць на 20% больш выбаршчыкаў, чым за Лё Пэн.

Выбарчыя ўчасткі ў Францыі будуць адкрыты з 8.00 па 19:00, а ў некаторых буйных гарадах па 20:00. А гэтай гадзіне ў краіне скончыцца выбарчая цішыня й будуць агучаныя папярэднія вынікi другога туру выбараў.

Выбарчая яўка стаіць пад вялікім знакам пытаньня, паколькі многія прыхільнікі крайне левых і сацыялістычных сілаў плянуюць устрымацца ад галасаваньня.

Паводле дадзеных дасьледчай групы Ipsos, у выбарах можа ўдзельнічаць 76% францускіх выбаршчыкаў.

Нагадаем, прэзыдэнт Францыі абіраецца на 5 гадоў і ня больш як на два тэрміны.

аз