Эрдаган назваў галяндзкі ўрад «нацыстамі»

Прэзыдэнт Турцыі Рэджэп Эрдаган пагражае востра адрэагаваць на забарону галяндзкага ўраду ўпусьціць у краіну самалёт з міністрам замежных справаў Турцыі. Меўлет Чавушаглу плянаваў прыляцець у Ротэрдам, каб прыняць удзел у маніфэстацыі туркаў, якія пражываюць у Галяндыі. Маніфэстацыя была арганізаваная з мэтай падтрымаць рэфэрэндум па пашырэньні прэзыдэнцкай улады, які аб’явіў прэзыдэнт Турцыі.

Прэзыдэнт Эрдаган на мітынгу ў Стамбуле заявіў, што галяндцы дзейнічаюць так сама, як нацысты, і назваў іх пераемнікамі гітлераўцаў. Таксама Эрдаган заявіў, што ў красавіку, пасьля таго, як рэфэрэндум у Турцыі адбудзецца, ён прыме меры супраць галяндзкіх палітыкаў. Магчыма, некаторым зь іх будзе абаронены ўезд у краіну.

Як растлумачыў прэм’ер Галяндыі Марк Рутэ, улады краіны не пусьцілі турэцкага міністра, бо мітынг зь яго ўдзелам мог бы выклікаць сацыяльную напружанасьць. У сераду 15 сакавіка ў Галяндыі адбудуцца парлямэнцкія выбары. У выбарчай кампаніі гучыць многа антыімігранцкіх акцэнтаў.

IAR/ап