Дональд Трамп прызначыў новага дарадчыка па пытаньнях бясьпекі

Генэрал у адстаўцы Гербэрт Рэйманд Макмастэр (Herbert Raymond McMaster) стане новым дарадчыкам Дональда Трампа па пытаньнях нацыянальнай бясьпекі. Макмастэр заменіць на гэтай пасадзе генэрала Майкла Фліна, які сышоў у адстаўку пасьля таго, як ён утоіў зьмест сваёй размовы з паслом Расеі ў Злучаных Штатах Амэрыкі.

„Гэта вельмі таленавіты й вопытны чалавек. Ён карыстаецца вялікай пашанай ва ўзброеных сілах”, - запэўніў прэзыдэнт Дональд Трамп.

Генэрал Макмастэр скончыў ваенную акадэмію Вэст-Пойнт, а затым абараніў доктарскую працу ва Ўнівэрсытэце Паўночнай Караліны. Ён лічыцца ня толькі вопытным жаўнерам, які прымаў удзел у акцыі Іраку, але таксама паважаным ваенным стратэгам.

аз