Дар’я Домрачава выйграла серабро ў гонцы перасьледу на чэмпіянаце сьвету

Беларуская біятляністка Дар’я Домрачава заваявала серабро ў гонцы перасьледу на чэмпіянаце сьвету, які праходзіць у аўстрыйскім Хохфільцэне. Гэта яе першы мэдаль пасьля вяртаньня ў спорт: у кастрычніку Дар’я нарадзіла дачку, а ў студзені пачала выступаць на этапах Кубка сьвету, але не паказвала занадта высокіх вынікаў.

Домрачава стартавала ў пас’юце толькі з 27-й пазыцыі, па выніках яе вельмі ўдалага для яе спрынту. Аднак на гэтай гонцы беларуска паказала чыстую стральбу, што дазволіла ёй утрымацца ў тройцы лідараў і абысьці нават сёлетніх фаварытак.

Перамога ў гонцы дасталася немцы Лаўры Дальмаер, якой Домрачава прайграла 9,6 сэкунды. На трэцім месцы – чэшка Габрыэла Коўкалава: яна дапусьціла два промахі й таму не змагла прэтэндаваць на перамогу, хоць і стартавала зь першай пазыцыі.

Беларуска Надзея Скардзіна заняла ў гонцы перасьледу 19-е месца, Ірына Крыўко – 45-е.

эўрарадыё/вс