Уладзімір Пуцін адклаў прэс-канфэрэнцыю

У чацьвер не адбудзецца традыцыйная прэс-канфэрэнцыя Ўладзіміра Пуціна. Упершыню з 2001 году штогадовая сустрэча прэзыдэнта Расеі з журналістамі была ў апошні момант адкладзеная на наступны дзень.

Такім чынам, расейскі лідар адкажа на пытаньні журналістаў не 22, але 23 сьнежня. Як паведамілі ў прэс-службе прэзыдэнта РФ, прычынай зьяўляецца заплянаванае на чацьвер пахаваньне расейскага амбасадара ў Турцыі Андрэя Карлава.

„Прэзыдэнт прыме ўдзел у жалобнай цырымоніі”, - паведаміў прэс-сакратар Крамля Дзьмітрый Пяскоў.

Нагадаем, амбасадар Андрэй Карлаў быў застрэлены ў Анкары ў панядзелак. Масква называе забойства „актам тэрарызму”.

аз