Нямеччына й Францыя выступаюць за працяг санкцый супраць Расеі

Нямеччына і Францыя выступаюць за працяг санкцый супраць Расеі за палітыку Крамля адносна Ўкраіны. Такую заяву падчас сустрэчы ў Бэрліне зрабілі канцлер Нямеччыны Ангела Мэркель і прэзыдэнт Францыі Франсуа Алянд. Паводле лідараў дзьвюх краін, санкцыі неабходна прадоўжыць, паколькі надалей няма прагрэсу ў мірным працэсе ва ўсходняй Украіне, а Расея не рэалізуе Менскіх пагадненьняў.

У нямецкай сталіцы адбываюцца нямецка-францускія кансультацыі, прысьвечаныя лічбавым тэхналёгіям у эканоміцы Эўрапейскага Зьвязу. У іх, акрамя Мэркель і Алянда, удзел прымаюць міністар фінансаў Францыі Мішэль Сапэн (Michel Sapin) і міністар эканомікі Германіі Зігмар Габрыэль (Sigmar Gabriel).

вс