У Емэне абвешчана двухдзённае перамір'е

З 2011 году ў Емэне пануе хаос ды ідзе грамадзянская вайна паміж паўстанцамі Гуці ды ўрадавай кааліцыі пры падтрымцы Саудаўскай Аравіі.

Сёньня кааліцыянты абвясьцілі 48-гадзінны рэжым спыненьня агню ў Емэне. Пра гэта паведаміла афіцыйнае саудаўскае інфармацыйнае агенцтва SPA.

Калі шыіцкія паўстанцы ўстрымаюцца ад абстрэлаў ды дазволяць дастаўку гуманітарнай дапамогі ў атачоныя імі раёны, тады пагадненьне аб спыненьні агню можа быць прадоўжанае, гаворыцца ў паведамленьні.

У той жа час улады Саудаўскай Аравіі абвясьцілі, што іх караблі і самалёты будуць па-ранейшаму весьці патруляваньне і будуць у баявой гатоўнасьці.

ПР/юл.