У Францыі бастуюць мэдсёстры й мэдбраты

У Францыі бастуюць мэдсёстры й мэдбраты. Мэдыцынскі пэрсанал патрабуе паляпшэньня ўмоваў працы й адмовы ад палітыкі ашчаднасьцей у службе аховы здароўя.

У многіх францускіх гарадах па вуліцах прайшлі маніфэстацыі мэдсёстраў і мэдбратоў. Некалькі тысяч чалавек прайшлі ў дэманстрацыі пад Міністэрства аховы здароўя Францыі.

Галоўная прычына акцыі – гэта праграма ашчаднасьцей ураду. Пратэстоўцы зазначаюць, што ў службе аховы здароўя зьмяншаецца колькасьць ставак і з-за гэтага пэрсанал прымушаны працаваць больш і даўжэй. Для прыкладу, на працоўныя месцы мэдсёстраў і мэдбратоў, якія выходзяць на пэнсію, не прымаюцца новыя людзі, а стаўкі ліквідуюцца. Зьявіліся паведамленьні пра выпадкі суіцыдаў як вынік стрэсу й стомленасьці на працы.

Урад Францыі цягам трох гадоў хоча зэканоміць на службе аховы здароўя 3,5 млрд эўра.

вс