Прэмію Андрэя Сахарава атрымалі дзьве языдкі

Сёлетнюю прэмію імя Андрэя Сахарава ў галіне абароны правоў чалавека атрымалі дзьве языдкі - Надыя Мурад Басі й Лямія Аджы Башар. Языды - рэлігійная група курдаў, якія пражываюць у паўночным Іраку.

У 2014 годзе абедзьве жанчыны, падобным чынам, як тысячы іншых языдак, былі выкрадзеныя са сваіх дамоў баевікамі Ісламскай дзяржавы.

Аднак Надыя Мурад Басі й Лямія Аджы Башар зьбеглі зь няволі й цяпер змагаюцца за правы языдаў, супраць сэксуальнага зьняволеньня й гандлю людзьмі.

Прэмія Сахарава была заснаваная Эўрапейскім парлямэнтам у 1988 годзе. Яна ўручаецца за асаблівы ўклад у абарону правоў чалавека й асноўных свабодаў. Грашовае вымярэньне прэміі - 50 тысяч эўра.

аз