У Бялградзе праходзіць гей-прайд пад аховай спэцназу (ФОТА)

Тысячы байцоў сэрбскага спэцназу перакрылі цэнтар Бялграда, дзе сёньня праходзіць гей-прайд. Улады краіны баяцца, што на ўдзельнікаў шэсьця нападуць экстрэмісты, якіх нямала ў пераважна кансэрватыўнай Сэрбіі.

Над цэнтрам горада лётаюць верталёты, а рух транспарту быў перакрыты за некалькі гадзінаў да заплянаванага збору, паведамляе агенцтва Associated Press.
У папярэднія гады ўлады некалькі разоў адмянялі гей-прайды пасьля масавых беспарадкаў, якія адбыліся на гэтым мерапрыемстве ў 2010 годзе – тады больш за сотню паліцыянтаў і ўдзельнікаў беспарадкаў атрымалі раненьні.

Нягледзячы на стаўленьне да сэксуальных меншасьцяў у грамадзтве, Сэрбія імкнецца пашырыць іх правы, бо прэтэндуе на далучэньне да Эўразьвязу. Сярод такіх захадаў – прызначэньне на пасаду міністра дзяржаўнага кіраваньня адкрытай лесьбіянкі Аны Брнабіч.

эўрарадыё/вс

фота: PAP/EPA/ANDREJ CUKIC