Турцыя пачала ў Сырыі апэрацыю супраць ІД

Турэцкія танкі ўехалі на тэрыторыю Сырыі. Гэта частка апэрацыі з мэтай выціснуць баевікоў Ісламская дзяржавы з памежнага горада Джэраблуса.

Вайсковая апэрацыя пачалася а 4.00 раніцы па мясцовым часе. Раней былі эвакуяваныя жыхары турэцкага горада Каркамыш, які распаложаны ў дасягальнасьці агня ісламістаў.

Спачатку паветраныя ўдары па горадзе Джэраблус праводзілі самалёты Турцыі й міжнароднай кааліцыі пад кіраўніцтвам Злучаных Штатаў Амэрыкі.

Разам з турэцкімі танкамі мяжу Сырыі перасеклі атрады сырыйскіх паўстанцаў, якія павінны дапамагчы выціснуць ісламістаў з горада.

Паралельна да гэтай апэрацыі пачалася аблава на джыхадыстаў, у тым ліку ў Стамбуле.

аз