Спонсары пакінулі Шарапаву

Падобны крок зрабіла Porsche. Спонсарскай дамовы з расейкай не падпіша TAG Heuer, швайцарскі вытворца гадзіньнікаў. У панядзелак вечарам Марыя Шарапава прызналася, што яе тэсты на допінг выйшлі пазытыўнымі.

Тэнісістка прызналася ва ўжываньні мэльдонія, які зьяўляецца забароненым прэпаратам са студзеня гэтага года. З 12 сакавіка спартоўка будзе адхіленая ад спаборніцтваў. Прызнаньне тэнісістка зрабіла ў Лос-Анджэлесе, падчас экстраннай прэс-канфэрэнцыі.

Расейка прызналася, што ня ведала пра ўключэньне прэпарата ў сьпіс забароненых рэчываў з 1 студзеня гэтага года. Паводле яе слоў, яна проста не прачытала ліст ад ВАДА, у якім зьмяшчалася папярэджаньне.

На працягу дзесяці апошніх гадоў, пакуль прэпарат быў легальным, Шарапава ўжывала яго для аднаўленьня пасьля трэніровак.

2 сакавіка Шарапавай было прад'яўленае абвінавачваньне ў парушэньні антыдопінгавага заканадаўства. Адвакат Шарапавай упэўнены, што яму ўдасца дамагчыся максымальна мяккага пакараньня для спартоўкі.

gazeta.ru/ав