Францыя: атручаньне падчас тэставаньня леку

У Францыі адбылося масавае атручэньне лекамі, якія знаходзяцца ў фазе тэставаньня. Шэсьць чалавек трапілі ў шпіталь, адна зь іх знаходзіцца ў стане клінічнай сьмерці.

Тэставаньне леку праводзілася на дабраахвотніках у прыватнай лябараторыі ў паўночна-заходняй Францыі. Міністар здароўя, якая паехала на месца здарэньня, прызнала, што гэта вельмі сур’ёзнае здарэньне падчас тэставаньня новага леку. Падрабязнасьці не паведамляюцца.

Паводле францускіх СМІ, атручэньне выклікаў абязбольваючы лек, абапёрты на лекавай марыхуане. Міністэрства здароўя не пацьвярджае гэтую інфармацыю.

ав