Яраш засноўвае новы палітычны рух

Дзьмітрый Яраш стварае новы рух. Былы сузаснавальнік і кіраўнік украінскага нацыяналістычнага „Правага сэктара” пакінуў арганізацыю па прычыне ейнага празьмернага радыкалізму.

Нагадаем, у лістападзе Яраш падаў у адстаўку з пасады кіраўніка „Правага сэктара”. Сёньня ён паведаміў, што цалкам сыходзіць з партыі.

Яраш растлумачыў, што „Правы сэктар” быў створаны падчас рэвалюцыі й выконваў рэвалюцыйныя задачы. Хоць, як ён адзначыў, ня ўсе мэты Рэвалюцыі годнасьці дасягнутыя, але ў цяперашніх умовах ня час на антыдзяржаўны радыкалізм, паколькі Ўкраіна знаходзіцца ў стане вайны з Расеяй.

Новы рух, які стварае Яраш, будзе мець апазыцыйны характар у дачыненьні да цяперашняй улады, але таксама будзе адракацца ад насільля ў палітычнай барацьбе. Заснавальны зьезд новай палітычнай арганізацыі заплянаваны ў лютым.

Дзьмітрый Яраш зьяўляецца дэпутатам украінскага парлямэнта. Ён быў паранены падчас баёў у Данбасе.

аз