Францыя адказвае на тэракт

Уначы ў нядзелю францускія самалёты нанесьлі масавы бомбавы ўдар па ўмацаваньнях ісламістаў у горадзе Рака на поўначы Сырыі. Гэта сталіца сырыйскай часткі Ісламскага халіфату.

Паводле інфармацыі Міністэрства абароны Францыі, у апэрацыі ўдзельнічалі 12 самалётаў з аэрадромаў у Ярданіі ды Аб’яднаных Арабскіх Эміратах. Француская авіяцыя скінула на ўмацаваньні джыхадыстаў каля 20 бомбаў.

Вайскоўцы паведамілі, што ў выніку налётаў зьнішчаны камандны цэнтар джыхадыстаў, склад амуніцыі ды трэніровачны лягер. Францускі прэзыдэнт назваў дадзеную атаку “бязьлітасным адказам” на “акт вайны”.

ПР/юл