У Паўднёвым Судане ўпаў самалёт з расейскім экіпажам

У Паўднёвым Судане адразу пасьля ўзлёту ў аэрапорце Джуба пацярпеў крушэньне самалёт, перадае Reuters.

Паводле інфармацыі агенцтва, падзеньне адбылося ў 800 мэтрах ад аэрапорта.

Як паведамляе РИА Новости, гэта быў грузавы борт Ан-12. У самалёце знаходзіліся 12 чалавек, пяць зь іх - члены расейскага экіпажа. Паводле папярэдніх дадзеных, у жывых засталіся трое чалавек. Адзін расеец памёр.

Пасольства Расеі ва Ўгандзе, якое займаецца справамі Паўднёвага Судана, пацьвердзіла факт крушэньня Ан-12.

яс