Пачаў працу трубаправод Клайпеда – Куршэнай

У Лeтуве афіцыйна запушчаны трубаправод Клайпеда – Куршэнай. Такім чынам паўстала магчымасьць перадачы газу з летувіскага СПГ-тэрмінала ў Латвію й Эстонію.

Выдаткі, зьвязаныя з інвэстыцыямі склалі 64 мільёны эўра. Адзін мільён 800 тысяч уклала Латвія, у будаўніцтва былі таксама прыцягнутыя сродкі ЭЗ - 27 млн 600 тысяч эўра ў межах праекту "Спалучэньне Эўропы".

Дзякуючы тэрміналу ў Клайпедзе, Летува стала менш залежнай ад паставак Газпрома. Разам з запускам газаправода з Клайпеды ў Куршэнай, таксама Латвія і Эстонія сталі больш энергетычна незалежнымі ад Расеі. Трубаправод Клайпеда – Куршэнай дае магчымасьць весьці перамовы з расейскімі пастаўшчыкамі аб зьніжэньні коштаў на газ.

яс