Вугоршчына ўзводзіць плот на мяжы са Славэніяй

Вугоршчына пачала будаўніцтва агароджы з калючага дроту ўздоўж мяжы са Славэніяй. Раней, каб спыніць паток бежанцаў, якія перамяшчаюцца з Поўдня на Поўнач Эўропы, падобны плот вугорцы ўзьвялі на мяжы з Сэрбіяй і Харватыяй.

Улады ў Будапэшце падвяргаюцца крытыцы за ўвядзеньне такіх радыкальных мер, каб абараніць сваю тэрыторыю ад імігрантаў. Гэта першыя такія бар'еры, якія ўзьніклі ў краіне Шэнгенскай зоны.

Будаўніцтва плоту на вугорска-сэрбскай мяжы прычынілася да таго, што цяпер тысячы бежанцаў накіроўваюцца на поўнач і абыходзяць Вугоршчыну праз тэрыторыю Харватыі.

Таму аналягічны плот, даўжынёй у 40 кілямэтраў, быў узьведзены на мяжы паміж Вугрошчынай і Харватыяй. Гаворка ідзе пра адрэзак, дзе мяжа не праходзіць уздоўж ракі Дравы.

Зараз чарга прыйшла на вугорска-славэнскую мяжу.

аз