Эльбрус: цела паляка не знайшлі

Расейскія ратаўнікі скончылі пошук польскага турыста на гары Эльбрус. Пра гэта паведаміла прэс-служба Міністэрства па надзвычайных сытуацыях Кабардзіна-Балкарскай Рэспублікі.

Пошук праводзілі сябры мясцовай выратавальнай групы пры падтрымцы верталёта.

Паляк быў чальцом групы трох польскіх альпіністаў, якія вечарам 16 жніўня зьніклі на вышыні 5,5 тысяч мэтраў.

Два дні пазьней расейскія ратаўнікі знайшлі целы двух палякаў і куртку трэцяга. Яго пошук некалькі разоў прыпыняўся з-за дрэннага надвор'я.

Эльбрус - самая высокая гара Каўказа й Расеі. Яго вышыня складае 5642 мэтры над узроўнем мора.

аз