МУС Расеі прадставіла памятку, як рабіць сэлфі бяз рызыкі для жыцьця

МУС Расеі прадставіла памятку, якая тлумачыць людзям, як рабіць сэлфі бяз рызыкі для жыцьця й здароўя. Дакумэнт апублікаваны на афіцыйным сайце ведамства, паведамляюць расейскія СМІ.

У памятцы апісваюцца выпадкі, калі фатаграфаваньне можа быць небясьпечна для аўтара здымкаў: за рулём, на дарозе, у гарах і на вадзе.
МУС нагадвае, што ў апошні час у Расеі неаднаразова адбываліся інцыдэнты падчас спробы зрабіць сэлфі. Так, 9 чэрвеня ў Растоўскай вобласьці дзьвюх дзяўчынак ударыла токам падчас здымкаў аўтапартрэта на чыгуначнай цыстэрне. Яны былі шпіталізаваныя.
23 траўня разанскі школьнік разьбіўся на сьмерць: ён упаў з чыгуначнага маста, спрабуючы сфатаграфавацца побач з высакавольтным провадам.
22 траўня пры спробе сфатаграфаваць сябе загінуў чачэнскі падлетак. Юнак спрабаваў залезьці на бэтонную пліту, але тая ўпала, прыціснуўшы яго.

вс