20 гадоў пагражае карэспандэнту "The Washington Post" у Іране

У Тэгеране пачаўся судовы працэс карэспандэнта амэрыканскай штодзёнкі "The Washington Post".

Джэйсан Рэзэн (Jason Rezaian), які працуе ў Іране, быў абвінавачаны ў шпіянажы. Працэс журналіста адбываецца за зачыненымі дзьвярыма.

Джэйсан Рэзэн мае падвойнае іранска-амэрыканскае грамадзянства і тры гады працуе іранскім карэспандэнтам газэты. Ён быў арыштаваны ў ліпені мінулага году, аднак іранскія ўлады ня выявілі прычыны такога рашэньня.

ЗША лічаць, што абвінавачаньні супраць журналіста абсурдныя. Падобным чынам мяркуюць у рэдакцыі "The Washington Post" і родныя Рэзэна. „Ён невінаваты, супраць яго ня маюць доказаў і таму так доўга трымаюць яго ў турме”, - кажа брат карэспандэнта Алі Рэзэн.

Журналісту пагражае 20 гадоў пазбаўленьня волі.

яс