Сёньня фінал „Эўрабачаньня-2015”

Увечары ў Вене адбудзецца фінал 60-га конкурсу песьні „Эўрабачаньне-2015”, падчас якога будзе вылучана лепшая эўрапейская песьня 2015 году.

Нагадаем, адным зь фіналістаў конкурсу стала польская вакалістка Маніка Кушыньска. У сёньняшнім фінале яна выступіць зь песьняй „У імя каханьня” („In the Name of Love”).

Апрача прадстаўніцы Польшчы, у фінал увайшлі 26 вакалістаў. У першым паўфінале былі вылучаныя прадстаўнікі Летувы, Латвіі, Ізраіля, Азэрбайджана, Кіпра, Чарнагорыі, Нарвэгіі, Швэцыі, Славэніі. У другім - Албаніі, Армэніі, Расеі, Румыніі, Вугоршчыны, Грэцыі, Эстоніі, Грузіі, Сэрбіі, Бэльгіі й Польшчы.

Адразу ў фінал традыцыйна ўвайшла краіна-гаспадыня (Аўстрыя), 5 краін-заснавальніц конкурсу (Вялікабрытанія, Францыя, Італія, Нямеччына, Гішпанія) і Аўстралія – спэцыяльны госьць сёлетняга фэстывалю.

Прадстаўніка Беларусі ў фінале 60-га конкурсу „Эўрабачаньне-2015” няма.

аз