Палітычны землятрус у Саудаўскай Арабіі

Палітычны землятрус у Саудаўскай Арабіі. Новы кароль краіны адхіліў ад улады цяперашняга спадкаемцу і прызнаў гэты тутул свайму пляменьніку.

Паводле экспэртаў, гэта самая рашучая зьмена ў саудаўскай манархіі на працягу многіх гадоў.

Рашэньнем новага караля Салмана, прынц Мукрын бін Абдул-Азіз, які быў першым у чарзе на пасад, быў пазбаўлены гэтага тытулу.

Новым кіраўніком саудаўскага каралеўства зможа стаць пляменьнік цяперашняга караля, уплывовы міністар унутраных спраў прынц Махамэд бін Наіф. Пасьля яго ў чарзе на пасад кароль паставіў свайго сына прынца Мухамэда бін Салмана.

Адначасова каралеўскі сын быў прызначаны на пасаду новага міністра замежных спраў.

На думку экспэртаў, новыя твары ў саудаўскай манархіі ў апошнія месяцы паказалі сябе як прадстаўнікі значна больш жорсткай палітыкі, чым іх папярэднікі.

Другі ў чарзе на пасад прынц Мухамэд бін Салман са студзеня зьяўляецца кіраўніком ведамства абароны й гэта ён кіруе ваеннай апэрацыяй Саудаўскай Арабіі ў Емэне.

аз