Амэрыканскі жаўнер адзначаны праз 150 гадоў пасьля сваёй сьмерці

Прэзыдэнт ЗША Барак Абама ўзнагародзіў жаўнера, які загінуў падчас грамадзянскай вайны ў ЗША найвышэйшай амэрыканскай ваеннай адзнакай - Мэдалём гонару.

22-гадовы Алянза Кушынг быў жаўнерам арміі Поўначы. Ён камандаваў артылерыйскім аддзелам падчас вядомай бітвы пад Гетысбэргам у 1863 годзе. Пасьля некалькіх гадзін змаганьня, усе яго таварышы былі забітыя. Сам Кушынг быў тры разы паранены, сярод іншага, у страўнік.

Ён адмовіўся ад эвакуацыі й загінуў дапамагаючы стрымаць штурм Пікета.

Ганаровы мэдаль прысуджаецца на працягу некалькіх гадоў пасьля гераічнага чыну. У гэтым выпадку Кангрэс ЗША зрабіў выключэньне. Такім чынам стала магчыма дзякуючы грамадзкай кампаніі, якую праводзіла жанчына, што зараз жыве на былой сямейнай фарме Кушынга ў Вісконсіне.

аз